تحية لجميع أعضاء و زوارنا الكرام
°ˆ*¤§X§¶أحلام الفتاة الطايشة¶§X§¤*ˆ°
في يوم من الأيام .. ع الساعة 2 الصبح تقريبا .. كنت في سريري شبه نائمة حتى حسيت بيد تداعب شعري بحنان و رقة .. فتحت عيني لقيتها الست الوالدة
أنا : ماما .. أماه .. أمي .. أمي فوق الشجرة
ماما : أمك دا إيه .. دا أبوكي اللي من أسبوع مش راضي ينزل
أنا : و مالو .. هو عمل عقد إشتراك مع الشجرة
ماما : إسأليه هو .. المهم أنا عاوزة أقولك حاجة
أنا : إتفضلي يا ماما .. حاجة إيه ع الصبح دي
ماما : قوليلي يا بنتي يا حبيبتي مفيش حاجة عاوزة تقوليها لي
أنا : إزاي
ماما : حاجة من بنت لأمها .. حاجة من القلب
أنا : من القلب ؟؟ .. آآآه فهمت .. مش قلنا يا ماما خلاص من كتب علم النفس اللي كللي مرة تجربيها فيا دي
ماما : فوليلي حاجة من قلبك و خلاص
أنا : حاضر .. عارفة يا ماما .. أنا أول ما شفتك الصبح حسيت إني عاوزة أقول لكي حاجة من معدتي
ماما : إيه ؟؟؟
أنا : احم احم .. قصدي من قلبي
ماما : إتفضلي يا نور عيني
أنا : أنا جوعانة يا ماما .. هو الفطور واجد
ماما : واااع منك يا مقصوفة الرقبة .. هي دي الحاجة اللي من قلبك .. قومي فزي من قدامي قبل ما أرتكب فيكي جريمة
أنا : هو في كتاب علم النفس دا .. مكتوبة هاذ الجملة
ماما : يحترق كتاب علم النفس مع اللي ألف كتاب علم النفس مع اللي طبع كتاب علم النفس مع اللي نشر كتاب علم النفس مع اللي باع كتاب علم النفس مع اللي اشترى كتاب علم النفس مع اللي قرا كتاب علم النفس .. مع أي حاجة لها علاقة بكتاب علم النفس ..
فأنا أول ما شفت ماما ابتدت تسخن .. هربت من عندها و في طريقي إلتقيت ببابا
أنا : ياااه .. هو إنتا نزلت من الشجرة إمتا
بابا : شجرة إيه ع الصبح دي
أنا : الشجرة يا بابا الشجرة .. هو عليا أنا الكلام دا
بابا : إنتي بتهببي تقولي إيه .. شجرة إيه
أنا : لازم تكون تخاصمت معاها
بابا : تخاصمت مع مين و شجرة إيه أنا مش فاهم حاجة
أنا : الشجرة .. بتاعت عبد الحليم دي
بابا : و فيها عبد الحليم كمان .. هو انتي بتشربي حشيش يا بت
أنا : إذا كنت مش عاوز تعترف خلاص براحتك .. بس حتى ماما عارفة
بابا : عارفة إيه ..
أنا : لسه متكلمة مع ماما عليك
بابا : و بتتكلمو عليا .. إنتي يا ست يا مراتي
ماما : عاوز إيه يا راجل يا جوزي
بابا : بتتكلم عليا مع بنتك في إيه
ماما : خلينا من الكلام ده .. دي إيمان مهبولة متاخذش بيها .. بس خلينا في المهم
بابا : المهم إيه كمان
ماما : عمرك ما حسيت إنك عاوز تقول لي حاجة
أنا : أيوة يا عم يا بتاع الشجرة الدور عليك
بابا : دور إيه و حاجة إيه .. أنا مش فاهم حاجة
ماما : خليك منها و جاوبني .. و إنتي يا إيمان إنقلعي من هنا
أنا : الله يكون في عونك يا بابا
بابا : في عوني ؟؟ .. إيمااان أنقذيني
أنا : إنتا بتطلب مني المستحيل يا بابا .. دا أنا أنقذت نقسي بالعافية
و رحت و خليت بابا في جلسة التحليل النفسي ثم فطرت و خرجت عند ليندة صاحبتي
و أول ما دخلت عندها لقيتها بتغسل يديها عشان تفطر
ليندة : إيمااان .. إيه اللي جابك
أنا : إيه اللي جابني ؟؟ .. إيه السؤال ده
ليندة : أصلي عاوزة أفطر .. من أسبوع كامل مفطرتش .. كل ما أجلس أفطر ألاقيك داخلة عليا و تاكلي فطاري
أنا : طب تجيك نفس تاكلي من غير صاحبتك حبيبتك .. طبعا لا
و أكلت الفطور مرة ثانية و ليندة كالعادة تشوف فيا و كأنها بتمثل في فيلم البؤساء
أنا : يااه .. الفطور لذيذ جداا .. طب يللا نخرج يا ليدي
و خرجت أنا و ليندة و في طريقنا لم أنتبه لحفرة عميقة في الطريق فسقطت فيها لوحدي و صرخت صرخة كبيرة .. واااااااااااااااااااااااااااااااااااااااااااااع ثم فجأة لقيت نفسي في غرفتي و ماما تداعب في شعري و تقول لي سلامتك ..و بعدها تكرر نفس الشيء اللي جرا من قبل ... الشجرة و كتاب علم النفس و ذهابي عند ليندة و الفطورين ثم عند خروجي معاها سقطت في نفس الحفرة و صرخت وااااااااااااااااااااااااع و بعدها لقيت نفسي في غرفتي و نفس الشيء تكرر و أيضا سقطت في الحفرة و صرخت واااااااااااااااااااااااااع ثم بقيت في هاذ الحالة .. دائما نفس الشيء يتكرر لحد ما مرة لما سقطت في الحفرة و صرخت و استيقظت و ملقيتش ماما .. ففرحت و كنت عاوزة أطير من الفرحة بس بعد شوية ماما أتت تجري عندي..
ماما : بنتي حبيبتي .. أنا كنت عند الجيران .. إنتي اللي كنت بتصرخي
أنا : نعم يا ماما .. أنا اللي كنت بصرخ
ماما : و مالك .. كنتي بتشوفي حلم مرعب بالتقسيط
أنا : لاا بس حلمت إني حلمت إني حلمت إني حلمت إني حلمت ..
ماما : خلاص يا حبيبتي أنا هنا معاكي .. بس قوليلي .. مفيش حاجة من قلبك عاوزة تقوليهالي
أنا : واااااااااع
تحياتي
موضوع: ™°ˆ*¤§X§¶أحلام الفتاة الطايشة¶§X§¤*ˆ°™ 
الجمعة يناير 09, 2009 8:11 pm
